Aap jin ke kareeb hote hain..

Aap jin ke kareeb hote hain,
Woh barre khush naseeb hote hain,

Jab tabiyat kisi pr aati hai,
Maut ke din qareeb hote hain,

Mujh se milnaa phir aap ka milna,
Aap kis ko naseeb hote hain,

Zulm seh kar jo uff nahin karte,
Un ke dil bhi ajeeb hote hain,

Ishq mei aur kuchh nahin milta,
Sainkrron gham naseeb hote hain,

“nuuh” ki qadr koi kyaa jaane,
Kahiin aise adeeb hote hain..

The post Aap jin ke kareeb hote hain.. appeared first on Ranjish.com.