Kabhi iss tarah se bhi eid kar…

Kabhi iss tarah se bhi eid kar,
Abhi zid na kar dil-e-bekhabar,
Ke pass-e-hujoom sitam-giraan,
Abhi kon tujh se wafaa kare,

Abhi kiss ko fursaten iss qadar,
Ke samaitt kar teri kirchiyaan,
Tere haq main khud se dua kare,
Abhi zid na kare dil-e-bekhabar,
Ke tah-e-ghubaar e gham-e-jahan,
Kahan kho gaye tere chaaragar,
Ke raah-e-hayaat main raayegaan,
Kahan so gaye tere humsafar,
Abhi ghamgusaron ki chott seh,
Abhi kuch na sun abhi kuch na keh,

Abhi zid na kar mere be-nawaa,
Abhi ho sake to sahii mere,
Sabhi khawb raakh main daffan kar,
Abhi ho sake to yeh soch le,
Ke tuluu-e-ashq se paishtar,
Kahin dard hai to huaa kare,
Koi chott hai to khila kare,

Kabhi yun bhi ho ke sar-e-uffaq,
Tere dukh ka chaand dammak uthe,
Koi tees khud se chamak uthe,
Kisi sheher-e-zakhm farosh main,
Koi zakham khud se khareed kar,
Sabhi akss khud se khurachh kabhi,
Kiisi aayine pe na deed kar,
Kabhi yuun bhi jashn-e-turb mana,
Kabhi iss tarah se bhi eid kar…

The post Kabhi iss tarah se bhi eid kar… appeared first on Ranjish.com.

Read More

Dard ke maaron ne ghholl ke piyaa eid ka chaand..

Talkhiyaan chubhne lagi jab zeest ke paimaane main,
Dard ke maaron ne ghholl ke piyaa eid ka chaand..

The post Dard ke maaron ne ghholl ke piyaa eid ka chaand.. appeared first on Ranjish.com.

Read More

Iss eid pe laut ke aa jana..

Iss eid pe laut ke aa jana,
Kuch yaaden taaza karni hain,
Kuch lamhe morr ke laane hain,

Woh masti aur woh madhoshi,
Woh bachpan morr ke laana hai,

Iss eid pe laut ke aa jana,
Ab dil ko dil ki dharrkan se,
Phir eid mubarak kehna hai,
Aur saath bohat din rehna hai,
Iss eid pe laut ke aa jana..

The post Iss eid pe laut ke aa jana.. appeared first on Ranjish.com.

Read More

Mera ik mashwraa hai iltijaa nahin..

Mera ik mashwraa hai iltijaa nahin,
Tu mere paas se is waqt jaa nahin..

The post Mera ik mashwraa hai iltijaa nahin.. appeared first on Ranjish.com.

Read More

Jab bhi kisi se kehne ko hum apne gham gaye..

Jab bhi kisi se kehne ko hum apne gham gaye,
Honton tak aate aate alfaaz jamm gaye..

The post Jab bhi kisi se kehne ko hum apne gham gaye.. appeared first on Ranjish.com.

Read More

Tum aaye ho na shab-e-intizaar guzri hai..

Tum aaye ho na shab-e-intizaar guzri hai,
Talaash main hai sehar baar baar guzri hai,

Junoon main jitni bhi guzri bekaar guzri hai,
Agarche dil pe kharaabi hazaar guzri hai,

Woh baat saarey fasaane mein jis ka zikr na tha,
Woh baat un ko bohat naagvaar guzri hai,

Na gul khile hain, na un se mile, na mai pee hai,
Ajeeb rang main ab ke bahaar guzri hai,

Chaman pe ghaarat-e-gulcheen se jaane kya guzri,
Qaffass se aaj sabaa beqaraar guzri hai..

The post Tum aaye ho na shab-e-intizaar guzri hai.. appeared first on Ranjish.com.

Read More

Door se dekhte hain woh mujh ko ghairon ki tarah..

Door se dekhte hain woh mujh ko ghairon ki tarah,
Wese kehne ko to ehbaab mere apne hain..

The post Door se dekhte hain woh mujh ko ghairon ki tarah.. appeared first on Ranjish.com.

Read More

Umar guzre gi imtihaan main kya..

Umar guzre gi imtihaan main kya,
Daagh hi do ge daan main kya,

Khamoshi keh rahi hai kaan main kya,
Aa raha hai mere gumaan main kya,

Ab koi mujh ko tokta bhi nahin,
Yehi hota hai khaandaan main kya,

Bolte kyun nahin mere haq main,
Aable parr gaye zabaan main kya,

Meri har baat be-assar hi rahi,
Nuqss hai kuch mere beyaan main kya,

Woh mile to yeh poochna hai mujhe,
Ab bhi hoon main teri amaan main kya,

Yeh mujhe chain kyun nahin parrta,
Aik hi shakss tha jahaan main kya..

The post Umar guzre gi imtihaan main kya.. appeared first on Ranjish.com.

Read More

Tark-e-wafa ke baad wafaa karni parri..

Tark-e-wafa ke baad wafaa karni parri,
Hum ko har aik namaaz qazaa karni parri,

Yeh jaan kar ke yeh muqaddar ka khail hai,
Uss sangdil ki phir bhi duaa karni parri,

Aadat, na koi shauq na mera tareeqa tha,
Tum ne kaha to mujh ko jafaa karni parri,

Tohmaton ka mujh pr hai kis qadar assar jo,
Waajab nahin thi woh khataa karni parri,

Waajab se yaad aaya ke iss qadar sahii dil,
Teri qazaa bhi mujh ko adaa karni parri..

Sahil Ahmed

The post Tark-e-wafa ke baad wafaa karni parri.. appeared first on Ranjish.com.

Read More

Talb-e-ishq mittaa di hum ne..

Talb-e-ishq mittaa di hum ne,
Uss ko roka na sadaa di hum ne,

Khawb logon ne jalaa daale they,
Raakh raahon main urra di hum ne..

The post Talb-e-ishq mittaa di hum ne.. appeared first on Ranjish.com.

Read More

Woh apne chehre pe sau aftaab rakhte hain..

Woh apne chehre pe sau aftaab rakhte hain,
Issi liye to woh rukh pe naqaab rakhte hain,

Woh paas bethe to aati hai dilruba khushbuu,
Woh apne hontton pe khille gulaab rakhte hain,

Har aik warq main tum hi to ho jaan-e-mehboob,
Hum apne dil main kuch aesi kitaab rakhte hain,

Jahan-e-ishq main sohni kahin dikhaayi de,
Hum apni aankhon main kitne chanaab rakhte hain..

The post Woh apne chehre pe sau aftaab rakhte hain.. appeared first on Ranjish.com.

Read More

Hamare khat main neya ik salaam kis ka tha..

Hamare khat main neya ik salaam kis ka tha,
Na tha raqeeb to aakhir woh naam kis ka tha,

Woh qatl kar ke mujhe kisi se puchte hain,
Yeh kaam kis ne kiya hai yeh kaam kis ka tha,

Wafa karen ge nibhayen ge baat maanen ge,
Tumhen bhi yaad hai kuch yeh kalaam kis ka tha,

Raha na dil main woh bedard aur dard raha,
Muqeem kaun hua hai maqaam kis ka tha,

Naa puch-gachh thi kisi ki wahan na aao-bhagat,
Tumhari bazam main kal ehtimaam kis ka tha,

Hamare khat ke to purze kiye parrha bhi nahin,
Suna jo tu ne ba-dil woh payaam kis ka tha,

Guzar geya woh zamana kahoon to kis se kahoon,
Khayaal dil ko mere subh-o-shaam kis ka tha,

Har ik se kehte hain kya “dagh” bewafa nikla,
Yeh puche un se koi woh ghulaam kis ka tha..

The post Hamare khat main neya ik salaam kis ka tha.. appeared first on Ranjish.com.

Read More

Tum se ulfat ke taqaaze na nibhaaye jaate..

Tum se ulfat ke taqaaze na nibhaaye jaate,
Warna hum ko bhi tamanna thi ke chaahe jaate..

The post Tum se ulfat ke taqaaze na nibhaaye jaate.. appeared first on Ranjish.com.

Read More

Thi kisi shakss ki talaash mujhe..

Thi kisi shakss ki talaash mujhe,
Maine khud ka hi intikhaab kiya..

The post Thi kisi shakss ki talaash mujhe.. appeared first on Ranjish.com.

Read More

Mar geya ho koi bicharrne se..

Mar geya ho koi bicharrne se,
Aik aesi misaal de mujh ko..

The post Mar geya ho koi bicharrne se.. appeared first on Ranjish.com.

Read More

Ultii ho gayin sab tadbeeren kuch na davaa ne kaam kiya..

Ultii ho gayin sab tadbeeren kuch na davaa ne kaam kiya,
Dekha iss beemari-e-dil ne aakhir kaam tamaam kiya,

Ehed-e-jawani ro ro kaata, peeri main li aankhen muund,
Yaani raat bohat they jaage subh hui araam kiya,

Naahaq hum majbooron pr yeh tohmat hai mukhtaari ki,
Chahte hain so aap karen hain hum ko abass badnaam kiya,

Meer ke deen-o-mazhab ko ab poochte kya ho us ne to,
Qashqaa kheencha dair main betha kab ka tark islam kiya..

The post Ultii ho gayin sab tadbeeren kuch na davaa ne kaam kiya.. appeared first on Ranjish.com.

Read More

Ab to un ki yaad bhi aati nahin..

Ab to un ki yaad bhi aati nahin,
Kitni tanha ho gayin tanhaayiyan..

The post Ab to un ki yaad bhi aati nahin.. appeared first on Ranjish.com.

Read More

Bichrra jo aik baar to milte nahin dekha..

Bichrra jo aik baar to milte nahin dekha,
Iss zakham ko hum ne kabhi silte nahin dekha,

Ik baar jisse chaat gayi dhoop ki khawhish,
Phir shaakh pe uss phool ko khilte nahin dekha,

Yak-lakht gira hai to jarren tak nikal aayin,
Jiss pairr ko aandhi main bhi hilte nahin dekha,

Kaanton main ghire phool ko choom aaye gi lekin,
Titlee ke paron ko kabhi chhilte nahin dekha,

Kiss tarah meri rooh ko harri kar geya akhir,
Woh zeher jisse jism main khilte nahin dekha..

The post Bichrra jo aik baar to milte nahin dekha.. appeared first on Ranjish.com.

Read More

Woh jo hum main tum main qaraar tha tumhen yaad ho ke na yaad ho..

Woh jo hum main tum main qaraar tha tumhen yaad ho ke na yaad ho,
Wohi yaani vaada nibaah ka tumhen yaad ho ke na yaad ho,

Woh jo lutf mujh pe they pesh-tar woh karam hi tha mere haal pr,
Mujhe sab hai yaad zara zara tumhen yaad ho ke naa yaad ho,

Woh naye gille woh shikaayeten woh maze mazze ki hikaayeten,
Woh har ek baat pe roothna tumhen yaad ho ke naa yaad ho,

Kabhi bethe sab main jo rubaru to ishaaron main hi guftguu,
Woh bayaan shauq ka barmala tumhen yaad ho ke naa yaad ho,

Koi baat aesi agar huyi ke tumhare jee ko buri lagi,
To bayaan se pehle hi bhoolna tumhen yaad ho ke naa yaad ho,

Kabhi hum main tum main bhi chaah thi kabhi hum ko tum se bhi raah thi,
Kabhi hum bhi tum bhi they aashnaa tumhen yaad ho ke na yaad ho,

Suno zikr hai kayi saal ka ke kiya ik aap ne vaada tha,
So nibhaane ka to zikr kya tumhen yaad ho ke naa yaad ho,

Woh bigarrna vasl ki raat ka woh na maan’na kisi baat ka,
Woh nahin nahin ki har adaa tumhen yaad ho ke na yaad ho,

Jise aap ginte they aashnaa jisse aap kehte they baawafa,
Main wohi hoon “momin-e-mubtala” tumhen yaad ho ke na yaad ho..

The post Woh jo hum main tum main qaraar tha tumhen yaad ho ke na yaad ho.. appeared first on Ranjish.com.

Read More

Mera khayal hai ke woh insaan ban gaye..

Jo log jaan boojh kar nadaan ban gaye,
Mera khayal hai ke woh insaan ban gaye..

The post Mera khayal hai ke woh insaan ban gaye.. appeared first on Ranjish.com.

Read More

Yeh kya jagah hai dosto yeh kaun sa dayaar hai..

Yeh kya jagah hai dosto yeh kaun sa dayaar hai,
Hadh-e-nigaah tak jahan ghubaar hi ghubaar hai,

Har ek jism ruuh ke azaab se nidhaal hai,
Har ek aankh shabnami har ek dil figaar hai,

Hamen to apne dil ki dharrknon pe bhi yaqeen nahin,
Khosha woh log jin ko doosron pe aitbaar hai,

Na jis ka naam hai koi na jiss ki shakal hai koi,
Ek aisi shai ka kyun hamen azzal se intizaar hai..

The post Yeh kya jagah hai dosto yeh kaun sa dayaar hai.. appeared first on Ranjish.com.

Read More

Yunhi be-sabab na phira karo koi sham ghar main raha karo..

Yunhi be-sabab na phira karo koi sham ghar main raha karo,
Woh ghazal ki sahi kitaab hai ussey chupke chupke parrha karo,

Koi haath bhi na milaaye ga jo gale milo ge tapaak se,
Yeh naye mizaaj ka sheher hai zara faasle se mila karo,

Abhi raah main kayi morr hain koi aaye ga koi jaaye ga,
Tumhe jis ne dil se bhulaa diya ussey bhoolne ki dua karo,

Mujhe ishtihaar si lagti hain yeh mohabton ki kahaniyan,
Jo kaha nahin woh suna karo jo suna nahin woh kaha karo,

Kabhi husn-e-parda-nasheen bhi ho zara aashiqana libaas main,
Jo main ban sanwar ke kahin chaloon mere sath tum bhi chala karo,

Nahin be-hijaab woh chand sa ke nazar ka koi assar na ho,
Ussey itni garmi-e-shauq se barri dair tak na takka karo,

Yeh khizaan ki zard si shaal main jo udaas pairr ke paas hai,
Yeh tumhare ghar ki bahaar hai ussey aansuyon se haraa karo..

The post Yunhi be-sabab na phira karo koi sham ghar main raha karo.. appeared first on Ranjish.com.

Read More

Jo shaad phirte they kal aaj chup ke rote hain..

Jo shaad phirte they kal aaj chup ke rote hain,
Hazaar shukar gham paayedaar apnaa hai..

The post Jo shaad phirte they kal aaj chup ke rote hain.. appeared first on Ranjish.com.

Read More

Kyaa jane woh dil se utar kyun nahin jata..

Kyaa jane woh dil se utar kyun nahin jata,
Gr shaam ka bhoola hai to ghar kyun nahin jata,

Hum ko nahin maloom ke ujrre huye dil se,
Awaara mizaaji ka assar kyun nahin jata,

Kya baat hai sarrkon pe utarti nahin raunak,
Kya baat hai iss sheher se ddar kyun nahin jata,

Sadiyon se tujhe takte huye soch raha hoon,
Jee tere hadh-o-haal se bhar kyun nahin jata,

Ankhon se udaasi ki ghattaaa kyun nahin chatt-ti,
Seene se mohabbat ka bhanwar kyun nahin jata,

Thehra hai jo qaafila-e-gham mere dil main,
Iss chotti si bastti se guzar kyun nahin jata,

Saanson se mere larzish -e-gham kyun nahin jaati,
Pairon se mere zakhm-e-safar kyun nahin jata..

The post Kyaa jane woh dil se utar kyun nahin jata.. appeared first on Ranjish.com.

Read More

Naffa jo bhool bhi jaye khasaara yaad rehta hai..

Naffa jo bhool bhi jaye khasaara yaad rehta hai,
Ho jiss ne aag bharrkaayi sharaara yaad rehta hai,

Kiye ki sazaayen phir bhi bhool jaati hain,
Na-karda gunaahi ka kafaara yaad rehta hai,

Ik daane ke badle jo jannat haar di hum ne,
Wahan hooron farishton ka ijaara yaad rehta hai,

Lehar ka bhanwar tak laana kismat tha magar Roohi,
Woh jiss ke paas jaa doobain kinaara yaad rehta hai..

Roohi Jaffery

The post Naffa jo bhool bhi jaye khasaara yaad rehta hai.. appeared first on Ranjish.com.

Read More

Kehte hain kaaghzon ki banaata tha kashtiyan..

Kehte hain kaaghzon ki banaata tha kashtiyan,
Hathon se apne paar lagaata tha kashtiyan,

Bacha mila hai aaj woh saahil pe maut ke,
Kal tak jo paaniyon main bahaata tha kashtiyan..

The post Kehte hain kaaghzon ki banaata tha kashtiyan.. appeared first on Ranjish.com.

Read More

Karoon ga kya jo mohabbat main ho geya nakaam..

Karoon ga kya jo mohabbat main ho geya nakaam,
Mujhe to aur koi kaam bhi nahin aata..

The post Karoon ga kya jo mohabbat main ho geya nakaam.. appeared first on Ranjish.com.

Read More

Tum barri dair baad laute ho..

Tum barri dair baad laute ho,
Dard kaafuur ho gaye ab to,

Kuch zaroorat nahin hai marham ki,
Zakham naasuur ho gaye ab to..

The post Tum barri dair baad laute ho.. appeared first on Ranjish.com.

Read More

Dil main ik lehar si uthi hai abhi..

Dil main ik lehar si uthi hai abhi,
Koi taaza havaa chali hai abhi,

Shor barpaa hai khaana-e-dil main,
Koi deevaar si girii hai abhi,

Bharii duniya main jee naihn lagta,
Jaane kis cheez ki kammi hai abhi,

Tu shareek-e-sukhan nahin hai to kya,
Hum-sukhan teri khaamoshi hai abhi,

Yaad ki be-nishaan galiyon main,
Zindagi tujh ko dhoondti hai abhi,

So gaye log uss haveli ke,
Ek khirrki magar khulli hai abhi,

Tum to yaaro abhi se uth baithe,
Shehr main raat jaagti hai abhi,

Waqt acha bhi aaye Nasir,
Gham na kar zindagi parri hai abhi..

The post Dil main ik lehar si uthi hai abhi.. appeared first on Ranjish.com.

Read More

Iraada tha ke main kuch dair tufaan ka maza leta..

Iraada tha ke main kuch dair tufaan ka maza leta,
Magar bechaare darya ko utar jaane ki jaldi thi..

The post Iraada tha ke main kuch dair tufaan ka maza leta.. appeared first on Ranjish.com.

Read More

Chupke chupke raat din aansu bahana yaad hai.

Chupke chupke raat din aansu bahana yaad hai,
Hum ko ab tak aashiqi ka woh zamaana yaad hai,

Ba-hazaran iztiraab o sad-hazaran ishtiyaq,
Tujh se woh pehle-pehal dil ka lagaana yaad hai,

Baar baar uthna usi jaanib nigaah-e-shauq ka,
Aur tera ghurfe se woh aankhen larraana yaad hai,

Tujh se kuch milte hi woh bebaak ho jana mera,
Aur tera daanton main woh ungli dabaana yaad hai,

Kheench lena woh mera parde ka kona dafa-tan,
Aur dupatte se tera woh muu chupana yaad hai,

Jab siva mere tumhara koi deewana na tha,
Sach kaho tum ko bhi woh kaar-khana yaad hai,

Ghair ki nazron se bach kar sab ki marzi ke khilaaf,
Woh tera chori-chupe raaton ko aana yaad hai,

Aa geya gar vasl ki shab bhi kahin zikr-e-firaaq,
Woh tera ro ro ke mujh ko bi rulaana yaad hai,

Dopeher ki dhoop main mere bulaane ke liye,
Woh tera ro ro ke mujh ko bhi rulaana yaad hai,

Chori chori hum se tum aa kar mile they jis jagah,
Mudatten guzri pr ab tak woh thikaana yaad hai..

The post Chupke chupke raat din aansu bahana yaad hai. appeared first on Ranjish.com.

Read More

Ik teri baraabri ke liye..

Ik teri baraabri ke liye,
Khud ko kitna gira chuka hon main..

The post Ik teri baraabri ke liye.. appeared first on Ranjish.com.

Read More

Zindagi kya hai aik kahaani hai..

Zindagi kya hai aik kahaani hai,
Yeh kahani nahin sunaani hai,

Hai khuda bhi ajeeb yaani jo,
Na zameeni na aasmaani hai,

Hai mere shauq-e-vasl ka yeh gila,
Us ka pehlu sara-e-faani hai,

Yeh hai lamhon ka ek shehr-e-azal,
Yaan ki har baat na-gahani hai,

Rang ki apni baat hai warna,
Aakhirash khuun bhi to paani hai,

Shaam hai aur sehn main dil ke,
Ik ajab huzn-e-aasmani hai..

The post Zindagi kya hai aik kahaani hai.. appeared first on Ranjish.com.

Read More

Yaadon ki aag thi ke khayalon ki chaandni..

Yaadon ki aag thi ke khayalon ki chaandni,
Shab bhar mere makaan main ik roshni rahi..

The post Yaadon ki aag thi ke khayalon ki chaandni.. appeared first on Ranjish.com.

Read More

Tamanaaon main uljhaaya geya hoon..

Tamanaaon main uljhaaya geya hoon,
Khilone de ke behlaaya geya hoon,

Hoon iss kuuche ke har zaray se waqif,
Idhar se mudatton aaya geya hoon,

Nahin uthte qadam kyun jaanib-e-dair,
Kisi masjid main behkaaya geya hoon,

Dil-e-muztar se pooch ae raunak-e-bazm,
Main khud aaya nahin laaya geya hoon,

Savera hai bohat ae shor-e-mehshar,
Abhi bekaar uthvaaya geya hoon,

Sataya aa ke pehron aarzuu ne,
Jo dum bhar aap main paaya geya hoon,

Kuja main aur kuja ae Shad duniya,
Kahan se kis jagah laaya geya hoon..

The post Tamanaaon main uljhaaya geya hoon.. appeared first on Ranjish.com.

Read More

Aese tuufaan bhi aaye hain yahan raaton raat…

Bastiyaan ho gayin be-naam o nishaan raaton raat,
Aese tuufaan bhi aaye hain yahan raaton raat..

The post Aese tuufaan bhi aaye hain yahan raaton raat… appeared first on Ranjish.com.

Read More

Us ko juda huye bhi zamana bohat hua..

Us ko juda huye bhi zamana bohat hua,
Ab kya kahen yeh qissa purana bohat hua,

Dhalti na thi kisi bhi jatan se shab-e-firaq,
Ae marg e na-gahaan tera aana bohat hua,

Hum khuld se nikal to gaye hain pr ae khuda,
Itne se waaqiye ka fasaana bohat hua,

Ab hum hain aur saare zamaane ki dushmani,
Iss aashiqi main jaan se jana bohat hua,

Ab tak to dil se dil ka taaruf na ho saka,
Maana ke us se milna milaana bohat hua,

Kya kya na hum kharab huye hain magar yeh dil,
Ae yaad-e-yaar tera thikaana bohat hhua,

Kehta tha naasehon se mere muu na aayio,
Phir kya tha ek huu ka bahana bohat hua,

Lo phir tere labon pe ussi bewafa ka naam,
Ahmed Faraz tujhe kaha naa bohat hua..

The post Us ko juda huye bhi zamana bohat hua.. appeared first on Ranjish.com.

Read More

Uss shokh ke jaane se ajab haal hai mera..

Uss shokh ke jaane se ajab haal hai mera,
Jese koi bhoola hua phirta hai apna..

The post Uss shokh ke jaane se ajab haal hai mera.. appeared first on Ranjish.com.

Read More

Ab ku-e-yaar tere zamaane guzar gaye..

Ab ku-e-yaar tere zamaane guzar gaye,
Jo apne ghar se aaye they woh ghar gaye,

Ab kaun zakham-o-zeher se rakhe ga silsila,
Jeene ki ab havass hai humen hum to mar gaye,

Ab kya kahoon ke saara mohalla hai sharamsaar,
Main hoon azaab main ke mere zakham bhar gaye,

Hum ne bhi zindagi ko tamaasha bana diya,
Uss se guzar gaye kabhi khud se guzar gaye,

Tha ran bhi zindagi ka ajab turfa maajra,
Yaani uthe to paaon magar Jon sar gaye..

The post Ab ku-e-yaar tere zamaane guzar gaye.. appeared first on Ranjish.com.

Read More

But bane bethna aur pehluu badalte rehna..

But bane bethna aur pehluu badalte rehna,
Milna khushi khushi aur andar se pighalte rehna..

The post But bane bethna aur pehluu badalte rehna.. appeared first on Ranjish.com.

Read More

In shokh haseenon ki adaa aur hi kuch hai..

In shokh haseenon ki adaa aur hi kuch hai,
Aur in ki adaaon main maza aur hi kuch hai,

Yeh dil hai magar dil main bassa aur hi kuch hai,
Dil aayina hai jalva-numa aur hi kuch hai,

Hum aap ki mehfil main na aaney ko na aate,
Kuch aur hi samjhe they hua aur hi kuch hai,

Be-khud bhi hain hoshiyar bhi hain dekhne wale,
In mast nigaahon ki adaa aur hi kuch hai..

The post In shokh haseenon ki adaa aur hi kuch hai.. appeared first on Ranjish.com.

Read More

Buss jee rahe hain itna ghaneemat hai..

Buss jee rahe hain itna ghaneemat hai aye Adam,
Kiss tarah ho rahi hai bassar kuch na puchiye..

The post Buss jee rahe hain itna ghaneemat hai.. appeared first on Ranjish.com.

Read More

Mujhe mujhse milaati jaa rahi hai..

Mujhe mujhse milaati jaa rahi hai,
Faqeeri raas aati jaa rahi hai..

The post Mujhe mujhse milaati jaa rahi hai.. appeared first on Ranjish.com.

Read More

Aadmi aadmi se milta hai..

Aadmi aadmi se milta hai,
Dil magar kamm kisi se milta hai,

Bhuul jata hon main sitam us ke,
Woh kuch iss saadgi se milta hai,

Aaj kya baat hai ke phoolon ka,
Rang teri hanssi se milta hai.

Silsila fitna-e-qayamat ka,
Teri khush-qaamati se milta hai,

Mil ke bhi jo kabhi nahin milta,
Toott kar dil ussi se milta hai,

Karobaar-e-jahan sanvarte hain,
Hosh jab be-khudi se milta hai..

The post Aadmi aadmi se milta hai.. appeared first on Ranjish.com.

Read More

Itna to dosti ka silaah dijiye mujhe..

Itna to dosti ka silaah dijiye mujhe,
Apna samajh ke zeher pilaa dijiye mujhe,

Uthe na taa-ke aap ki janib nazar koi,
Jitni bhi tohmtain hain lagaa dijiye mujhe,

Kyun aap ki khushi ko mera gham kare udaas,
Ik talkhh haadsa hoon bhula dijiye mujhe,

Main aap ke qareeb hi hota hoon har gharri,
Moqa kabhi parre to sadaa dijiye mujhe,

Har cheez dasstiyaab hai bazaar main Adam,
Jhooti khushi khareed ke laa dijiye mujhe..

The post Itna to dosti ka silaah dijiye mujhe.. appeared first on Ranjish.com.

Read More

Bojh woh sar pe gira hai ke uthaaye na uthe..

Bojh woh sar pe gira hai ke uthaaye na uthe,
Kaam woh aaan parra hai ke banaye na bane..

The post Bojh woh sar pe gira hai ke uthaaye na uthe.. appeared first on Ranjish.com.

Read More

Jab umar ki naqdi hatam huyi..

Ab umar ki naqdi khatam huyi
Ab hum ko udhaar ki haajat he
He koi jo saahukaar bane ?
He koi jo deewanhaar bane?
Kuch saal maheene din logo
Per suud beyaj ke bin logo
Haan apni jaan ke khazaane se
Haan umar ke tausha-khane se
Kia koi bhi saahukaar nahin
Kia koi bhi deewanhaar nahin
Jub naam udhaar ka aaya hai
Kiun sub ne sir ko jhukaya hai
Kuch kaam hamain nibtane hain
Jinhain jaan’ne wale jane hain
Kuch piyar dulaar ke dhande hain
Kuch jug ke dooosre phande hain
Hum maangte nahi hazaar barass
Dus paanch barass, do chaar barass
Haan! suud beyaj bhi de lain ge
Haan! aur khiraj bhi de lain ge
Aassan bane dushwar bane
Per koi to deewanhaar bane
Tum kaun tumhara naam he kya
Kuch hum se tum ko kaam he kya
Kyun is majme main aayi ho
Kuch maangti ho kuch laai ho
Ye kaarobaar ki batain hain
Ye naqd udhar ki batain hain
Hum bethe hain kashkol liay
Sub umer ki naqdi khatam kiye
Gr sher ke rishte aayi ho
To samjho jald judai ho
Ab geet gaya sangeet gaya
Haan sher ka mausam beet gaya
Ab patjhar aai paat girain
Kuch subah girain kuch raat girain
Ye apne yaar purane hain
Ik umer se hum ko jane hain
In sub ke paas he maal buhut
Haan! Umer ke mah-o-saal bohat
In sub ko hum ne bulaya hai
Aur jholi ko phelaya hai
Tum jao in se baat karain
Hum tum se na mulaqat kerain
Kya paanch baraas?
Kya apni umer ke paanch baras?
Tum jaan ki theli laai ho ?
Kya pagal ho? Sodayi ho ?
Jub umar ka aakhir aata hai
Her din sadyian ban jata hai
Jeene ki hawis hi nirali hai
He kaun jo is se khali hai
Kya maut se pehle marna hai?
Tum ko to bohat kuch kerna hai ?
Phir tum ho hamari kaun bhala
Haan tum se hamara kia rishta
Kis sood biyaj ka laaluch he
Kisi aur khiraj ka laaluch he
Tum sohni ho man mohni ho
Tum jaaker poori umer jio
Ye paanch baras ye chaar baras
Chhin jayen to lagain hazaar baras
Sab dost gaye sab yaar gaye
The jitne saahukaar gaye
Bus aik ye naari bethi hai
Ye kaun he kya he kesi hai
Haan umer hamain darkaar bhi he
Haan jeene se hamain pyar bhi he
Jub maangain jeevan ki gharrian
Gustaakh akhiyan kithe ja larrian
Hum qarzz tumhain lauta den ge
Kuch aur bhi gharrian laa den ge
Jo saa-at o maah o saal nahi
Wo gharian jin ko zawaal nahi
Lo apne ji main utaar liya
Lo hum ne tum se udhaar liya..

The post Jab umar ki naqdi hatam huyi.. appeared first on Ranjish.com.

Read More

Ik safar main koi dobaara nahin lutt sakta..

Ik safar main koi dobaara nahin lutt sakta,
Ab dobara teri chaahat nahin ki jaa sakti..

The post Ik safar main koi dobaara nahin lutt sakta.. appeared first on Ranjish.com.

Read More

Bicharrte waqt dilaase na khokhle vaade..

Bicharrte waqt dilaase na khokhle vaade,
Woh pehli baar mujhe aaj bewafa na laga..

The post Bicharrte waqt dilaase na khokhle vaade.. appeared first on Ranjish.com.

Read More

Bass ik tere bicharrne ki dair thi jese..

Bass ik tere bicharrne ki dair thi jese,
Simatt ke aa geya lamhon main qurb sadiyon ka..

The post Bass ik tere bicharrne ki dair thi jese.. appeared first on Ranjish.com.

Read More

Nigaahen bolti hain be-tahaasha..

Nigaahen bolti hain be-tahaasha,
Mohabbat paaglon ki guftguu hai..

The post Nigaahen bolti hain be-tahaasha.. appeared first on Ranjish.com.

Read More

Akele chorr jate ho, yeh tum acha nahin karte..

Akele chorr jate ho, yeh tum acha nahin karte,
Hamara dil jalaate ho, yeh tum acha nahin karte,

Kya yeh bhi mohabbat hai, mohabbat hi issey rakho,
Tamasha tum banaate ho, yeh tum acha nahin karte,

Uthaate ho sar-e-mehfil, falak tak tum humen lekin,
Utha kar jo giraate ho, yeh tum acha nahin karte,

Kabhi jo pooch lain tum se, ke rishta kya hai ab hum se,
To nazron ko jhukaate ho, yeh tum acha nahi karte..

The post Akele chorr jate ho, yeh tum acha nahin karte.. appeared first on Ranjish.com.

Read More

Khawb hote hain dekhne ke liye..

Khawb hote hain dekhne ke liye,
In main ja kar raha na karo..

The post Khawb hote hain dekhne ke liye.. appeared first on Ranjish.com.

Read More

Aese chup hain ke yeh manzil bhi karri ho jese..

Aese chup hain ke yeh manzil bhi karri ho jese,
Tera milna bhi judaayi ki gharri ho jese,

Apne hi saaye se har gaam larazz jaata hoon,
Raaste main koi deewaar kharri ho jese,

Kitne nadaan hain tere bhoolne wale ke tujhe,
Yaad karne ke liye umr parri ho jese,

Tere maathe ki shikkan pehle bhi dekhi thi magar,
Yeh giraah ab ke mere dil main parri ho jese,

Manzilen door bhi hain manzilen nazdeek bhi hain,
Apne hi paaon main zanjeer parri ho jese,

Aaj dil khol ke roye hain to yuun khush hain Faraz,
Chand lamhon ki yeh raahat bhi barri ho jese..

The post Aese chup hain ke yeh manzil bhi karri ho jese.. appeared first on Ranjish.com.

Read More

Dar o deewar sun ke rote hain..

Dar o deewar sun ke rote hain,
Aaah tum tak magar nahin jaati..

The post Dar o deewar sun ke rote hain.. appeared first on Ranjish.com.

Read More

Sheher ke dukaan-daro tum na jaan paao ge..

Sheher ke dukaandaro,
Karobaar-e-ulfat main suud kya ziyaan kya hai,
Tum na jaan pao ge,
Dil ke daam kitne hain,
Khawb kitne mehnge hain,
Aur nakd-e-jaan kya hai,
Tum na jaan pao ge,

Koi kese mitla hai,
Phool kese khilta hai,
Ankh kese jhukti hai,
Saans kese rukti hai,

Kese raah nikalti hai,
Kese baat chalti hai,
Shauq ki zubaan kya hai,
Tum na jaan pao ge,

Shehr ke dukaandaro,
Vasl ka sukoon kya hai,
Hijr ka junoon kya hai,
Hussn ka fasoon kya hai,
Ishq ka daroon kya hai,

Tum mareez-e-danaayi,
Masslehat ke shedaayi,
Raah-e-gumrahaan kya hai,
Tum na jaan paao ge,

Shehr ke dukaandaro,
Zakhm kese phhalte hain,
Daagh kese jalte hain,
Dard kese hota hai,
Koi kese rota hai,

Ashq kya hai naalay kya,
Dasht kya hai chhaalay kya,
Aah kya fughaan kya hai,
Tum na jaan pao ge,

Na-muraad dil kese subah shaam karte hain,
Kese zinda rehte hain aur kese marte hain,
Tum ko kab nazar aayi, ghamzadon ki tanhayi,
Zeest be-amaan kya hai,
Tum na jaan pao ge,

Jaanta hoon main tum ko Zauq-e-shayari bhi hai,
Shakhsiyat sajaane main ik yeh maahri bhi hai,
Phir bhi harf chuntey ho,
Sirf lafzz Sunte ho,
In ke darmiyaan kya hai,
Tum na jaan pao ge..

The post Sheher ke dukaan-daro tum na jaan paao ge.. appeared first on Ranjish.com.

Read More

Bulaya maut ko barson main iltijaa kar ke..

Bulaya maut ko barson main iltijaa kar ke,
Khuda ke paas chala hoon khuda khuda kar ke..

The post Bulaya maut ko barson main iltijaa kar ke.. appeared first on Ranjish.com.

Read More

Hum musaafir yunhi masroof-e-safar jaayen ge..

Hum musaafir yunhi masroof-e-safar jaayen ge,
Be-nishaan ho gaye jab sheher to ghar jaayen ge,

Kis qadar hoga yahan mehr -o-wafa ka maatam,
Hum teri yaad se jis roz utar jaayen ge,

Jauhri band kiye jaate hain bazaar-e-sukhan,
Hum kisse bechne almaas-o-gauhar jayen ge,

Nemat-e-zeest ka yeh qarzz chukega kaise,
Laakh ghabraa ke yeh kehte hain rahen mar jaayen ge,

Shayed apna bhi koi bait hudi-khvan ban kar,
Saath jaaye ga mere yaar jidhar jaayen ge,

Faiz aate hain rah-e-ishq main jo sakht maqaam,
Aaney walon se kaho hum to guzar jaayen ge..

The post Hum musaafir yunhi masroof-e-safar jaayen ge.. appeared first on Ranjish.com.

Read More

Ajnabi ban ke miloon ga main tujhe mehfil main..

Ajnabi ban ke miloon ga main tujhe mehfil main,
Tu ne chairri bhi to main baat badal jaaon ga..

The post Ajnabi ban ke miloon ga main tujhe mehfil main.. appeared first on Ranjish.com.

Read More

Chal parro to paaniyon main raahguzar maujood hai..

Theher jao to nahi hai bastiyon main raasta,
Chal parro to paaniyon main raahguzar maujood hai..

The post Chal parro to paaniyon main raahguzar maujood hai.. appeared first on Ranjish.com.

Read More

Aayina dekh ke kehte hain sanwarne waale..

Aayina dekh ke kehte hain sanwarne waale,
Aaj be-maut maren ge mere marne waale..

The post Aayina dekh ke kehte hain sanwarne waale.. appeared first on Ranjish.com.

Read More

Aik do din nahin barson ki shanasaayi hai..

Bhoolne waley ne yeh bhi na socha hoga,
Aik do din nahin barson ki shanasaayi hai..

The post Aik do din nahin barson ki shanasaayi hai.. appeared first on Ranjish.com.

Read More

Khuda karay ke meri arz-e-pak per utre..

Khuda karay ke meri arz-e-pak per utre,
Wo fasl-e-gul jisse andesha-e-zawaal na ho,

Yahan jo phool khilay, khila rahe sadiyon,
Yahan khizaan ko guzarne ki bi majaal na ho,

Yahan jo sabza ugay, hamesha sabz rahe,
Aur aisa sabz key jis ki koi missaaal na ho,

Khuda karay ke na kham ho sir-e-waqar-e-watan,
Aur is ke husn ko tashweesh -e- mah-o-saal na ho,

Her aik fard ho, tehzeeb-o-fun ka oaj-e-kamaal,
Koi maalool na ho, koi hassta haal na ho,

Khuda kare ke meray aik bhi hum’watan ke liye,
Hayaat jurm na ho, zindagi wabaal na ho,

The post Khuda karay ke meri arz-e-pak per utre.. appeared first on Ranjish.com.

Read More

Milte nahin hain apni kahani main hum kahin..

Milte nahin hain apni kahani main hum kahin,
Ghaayeb huye hain jab se teri daastaan se hum..

The post Milte nahin hain apni kahani main hum kahin.. appeared first on Ranjish.com.

Read More

Deewaron se mil kar rona acha lagta hai..

Deewaron se mil kar rona acha lagta hai,
Hum to pagal ho jayen ge aesa lagta hai..

The post Deewaron se mil kar rona acha lagta hai.. appeared first on Ranjish.com.

Read More

Deedaar ki havass hai na shauq-e-visaal hai…

Deedaar ki havass hai na shauq-e-visaal hai,
Azaad har khayal se mast-e-khayal hai,

Keh do yeh kohkan se hi marna nahin kamaal,
Mar mar ke hijr-e-yaar main jeena kamaal hai,

Fatva diya hai mufti abr-e-bahaar ne,
Tauba ka khooon baada-kashon ko halaal hai,

Aankhen bata rahi hain jaage ho raat ko,
In saaghron main buu -e- sharab-e-visaal hai,

Barsaao teer mujh pe pr itna jaan lo,
Pehlu main dil hai dil main tumhara khayal hai,

Aankhen larra ke un se hum aafaat main parr gaye,
Aankhon ki har zubaan pe dil ka sawaal hai,

Buut keh diya jo mene to ab bolte nahin,
Itni si baat ka tumhe itna khayal hai,

Main daamin -e- neyaaz main ashk-e-chakida hoon,
Koi uthaaa ke dekh le uthna muhaal hai,

Poocha jo unse jaante ho tum Jaleel ko,
Bole ke haan woh shayer-e- naazuk-khayal hai..

The post Deedaar ki havass hai na shauq-e-visaal hai… appeared first on Ranjish.com.

Read More

Bohat tanha hua hoon main palatt ke aa bhi jaao tum..

Bohat tanha hua hoon main palatt ke aa bhi jaao tum,
Ashq kaa dariyaa hua hoon main palat ke aa bhi jaao tum,

Jahan pe hath chhorra tha jahan pe sath chhorra tha,
Usi raah pe kharra hoon main palatt ke aa bhi jaao tum,

Udaasi ne banaya ghar mere dil k bagheeche mein,
Bohat hi ghamzada hoon main palatt ke aa bhi jaao tum,

Dar-o-deewar kehte hain mere kaano mein aa aa kar,
Kab se veeraan parra hoon main palatt ke aa bhi jaao tum,

Kisi ka baa-wafa hona Sajid sabab hai gar judaai ka,
Suno! phir be-wafa hoon main palat ke aa bhi jaao tum..

Sajid Hashmi

The post Bohat tanha hua hoon main palatt ke aa bhi jaao tum.. appeared first on Ranjish.com.

Read More

Jo roshni main kharre hain woh jante hi nahin..

Jo roshni main kharre hain woh jante hi nahin,
Havaa chale to chiraaghon ki zindagi kya hai..

The post Jo roshni main kharre hain woh jante hi nahin.. appeared first on Ranjish.com.

Read More

Kon rota hai kisi aur ki khaatir aye dost..

Kon rota hai kisi aur ki khaatir aye dost,
Sab ko apni hi kissi baat pe rona aaya..

The post Kon rota hai kisi aur ki khaatir aye dost.. appeared first on Ranjish.com.

Read More

Bass ik jijhak hai yehi haal-e-dil sunaane main..

Bass ik jijhak hai yehi haal-e-dil sunaane main,
Ke tera zikr bhi aaye ga iss afsaane main..

The post Bass ik jijhak hai yehi haal-e-dil sunaane main.. appeared first on Ranjish.com.

Read More

Ab to daaman-e-dil chorr do bekaar umeedo..

Ab to daaman-e-dil chorr do bekaar umeedo,
Bohat dukh sehh liye mene bohat din jee liya mene..

The post Ab to daaman-e-dil chorr do bekaar umeedo.. appeared first on Ranjish.com.

Read More

Milte hain iss adaa se ke goya khafaa nahi..

Milte hain iss adaa se ke goya khafaa nahi,
Kya aap ki nigaah se main aashnaa nahin..

The post Milte hain iss adaa se ke goya khafaa nahi.. appeared first on Ranjish.com.

Read More

Jo bhi raasta teri jaanib le jaye..

Jo bhi raasta teri jaanib le jaye,
Aasaan hai ya dushwaar hai mujh ko pyara hai..

The post Jo bhi raasta teri jaanib le jaye.. appeared first on Ranjish.com.

Read More

Ab woh ghar tak viraana tha bas viraana zinda tha..

Ab woh ghar tak viraana tha bas viraana zinda tha,
Sab aankhen damm torr chuki theen aur main tanha zinda tha,

Saari galli sunsaan parri thi baad-e-fana ke pehre main,
Hijr ke dalaan aur aangan main bass ik saaya zinda tha,

Woh dopeher apni rukhsat ki aisa waisa dhoka thi,
Apne andar apni laash uthaaye main jhuuta zinda tha,

Theen woh ghar raaten bhi kahaani vaade aur phir din ginn’na,
Aana tha jaane wale ko jaane wala zinda tha,

Dasstak dene waale bhi they dastak sunn’ne waale bhi,
Thaa abaad mohallah saara har darwaaza zinda tha,

Peele patton ko seh-pehr ki vehshat pursaa deti thi,
Aangan main ik aundhe gharre par bass ik kavva zinda tha..

The post Ab woh ghar tak viraana tha bas viraana zinda tha.. appeared first on Ranjish.com.

Read More

Jin ko apni khabar nahin ab tak..

Jin ko apni khabar nahin ab tak,
Woh mere dil ka raaz kya jaanen..

The post Jin ko apni khabar nahin ab tak.. appeared first on Ranjish.com.

Read More

Dard phail jaye to, Aik waqt aata hai..

Dard phail jaye to,
Aik waqt aata hai,
Dil dharakta rehta hai,
Aarzu guzeedon k hausle nahi chalte,
Dasht-e-beyaqeeni main aasray nahin chalte,
Raah’rawon ki aankhon main manzilen na jab tak hon,
qafiley nahi chalte!
Aik zara tawajah se dekhiye to khulta hai
Log un pe chalte hain,
rastey nahi chalte,
Sochne samajhne se,
sath sath chalne se,
Duriyan simatti hain,
fasiley nahi chalte,

Khwab khwab aankhon main rat’jage nahi chalte,
Darguzar k halqey main masley nahin chalte,
Do dilon ki qurbat mei teesra nahi hota,
Waastey nahin chalte,
Bakht saath chalta hai taley aazmaaon ke,
Waqt raam karney main,
tajziyon ke daao kya,
Tajrubae nahin chalte,

Ishq k ilaaqae main hukm-e-yar chalta hai,
Zabitae nahi chalte,
Husn ki adaalat main,
aajizi to chalti hai,
Martabey nahi chalte,
Dosti k rishton ki parwarish zaroori hai,
Silsilae taaluq ke khud se ban to jaate hain,
Lekin in shagufon ko tutnae bikharnae se rokna bhi parta hai,
Chahaton ki mitti ko, aarzoo k podoon ko seenchna bhi parta hai,
Ranjishon ki baaton ko bhulna bhi parta hai..

The post Dard phail jaye to, Aik waqt aata hai.. appeared first on Ranjish.com.

Read More

Ab ke hum bichrre to shayed kabhi khawbon main milen..

Ab ke hum bichrre to shayed kabhi khawbon main milen,
Jiss tarah sookhay huye phool kitaabon main milen..

The post Ab ke hum bichrre to shayed kabhi khawbon main milen.. appeared first on Ranjish.com.

Read More

Aaj kya puraane gham muyassar aaye.

Aaj kya puraane gham muyassar aaye,
Yaad tum apni inaayat se barrh kar aye..

The post Aaj kya puraane gham muyassar aaye. appeared first on Ranjish.com.

Read More

Chaand si shakal jo Allah ne de di thi tum ko..

Chaand si shakal jo Allah ne de di thi tum ko,
Kaash raushan meri kismat ka sitaara karte..

The post Chaand si shakal jo Allah ne de di thi tum ko.. appeared first on Ranjish.com.

Read More

Jaane kis raah se aa jaye woh aaney wala..

Jaane kis raah se aa jaye woh aaney wala,
Hum ne har simt se deewaar giraa rakhi hai..

The post Jaane kis raah se aa jaye woh aaney wala.. appeared first on Ranjish.com.

Read More

Jab kisi se koi vaada wafa karta hai..

Jab kisi se koi vaada wafa karta hai,
Kaamp uthta hoon ke mere sa hi anjaam na ho..

The post Jab kisi se koi vaada wafa karta hai.. appeared first on Ranjish.com.

Read More

Ussey kehna ke laut aye, Mohabbat awaz deti hai..

Ussey kehna ke laut aye,
Mohabbat awaz deti hai,
Tujhe phir se bulati hai,
Jo tu ne saath dekhe they,
Woh sapne sajaati hai,

Woh phoolon pe ruki shabnam
Tumhari raah takti hai,
Tumhe waapis bulaati hai,

Woh jugnu ab bhi kehte hain,
Teri ankhen jo unse sawaal karti theen,
Ussey jawab dene hain,
Saarey hisaab dene hain,

Kabhi to mujh ko kehne do,
Ke tum bin chaand bhi udaas rehta hai,
Meri ankhon ke woh aansu,
Jo girte hain to awaz dete hain,
Samandar ke kinaare sippiyan jo gungunaati hain,
Tumhe waapis bulaati hain,

Ussey kehna meri palkon pe thehra jo ik moti,
Tumhari raah takta hai,
Woh girne se darta hai,
Woh darta hai mohabbat ke bikharne se,
Woh darta hai palkon se girne se,

Woh ik muskaan jo thehri teri aahat ki chaahat main,
To saans lene se darti hai,
Ussey kehna ke laut aye,
Ke woh muskaan phirti hai,
Kabhi uss dar kabhi iss dar,

Ke tu jo aaye to tere honton pe sajj jaye,
Tere baalon main bikhar jaye,

Magar jo tu nahin aata,
To woh un raston ke saare kaanton ki nokk pe sone lagti hai,
Jahan se tum guzarte they,
Murr ke takte rehte they,
Meri saanson ko milte they,
Ussey kehna ke laut aaye,
Mohabbat awaz deti hai,
Tujhe phir se bulaati hai,
Ke laut aao..

The post Ussey kehna ke laut aye, Mohabbat awaz deti hai.. appeared first on Ranjish.com.

Read More

Ab jiss tarff se chaahe guzar jaye kaarvaan..

Ab jiss tarff se chaahe guzar jaye kaarvaan,
Veeraaniyan to meri dil main utar gayin..

The post Ab jiss tarff se chaahe guzar jaye kaarvaan.. appeared first on Ranjish.com.

Read More

Jiss ke naseeb main hon zamane ki thokrain..

Jiss ke naseeb main hon zamane ki thokrain,
Us badnaseeb se na sahaaron ki baat kar..

The post Jiss ke naseeb main hon zamane ki thokrain.. appeared first on Ranjish.com.

Read More

Jab tum they meri shaam main tha subah ka aalam..

Jab tum they meri shaam main tha subah ka aalam,
Tum jab se gaye shaam jhalakti hai sehar main..

The post Jab tum they meri shaam main tha subah ka aalam.. appeared first on Ranjish.com.

Read More

Ab jo dekhen to koi aesi barri baat na thi..

Ab jo dekhen to koi aesi barri baat na thi,
Yeh shab-o-roz, maah-o-saal ka pur-paich safar,
Qadrey asaan bhi ho sakta tha,
Yeh jo har morr pe kuch uljhe huye raste hain,
In main tarteeb ka imkaan bhi ho sakta tha,
Hum zara dheyaan se chalte to woh ghar,
Jis ke baam-o-dar-o-deewar pe veerani hai,
Jiss ki har subah main shaamon ki pareshaani hai,
Uss main hum chain se abaad bhi ho sakte they,

Bakht se amman ki raahen bhi nikal sakti theen,
Waqt se sulaah ka paimaan bhi ho sakta tha,
Ab jo dekhen to bohat saaf nazar aatey hain,
Saarey manzar bhi, pass-e-manzar bhi,
Lekin iss dair khayaali ka silaah kya hoga,

Yeh to sab baad ki baaten hain meri jaan,
Inhe dekhte sochte rehne se bhala kya hoga,
Woh jo hona tha hua, ho bhi chuka,
Waqt ki lohh pe likhi hui har tehreer ke harff,
Khat-e-tanseekh se waaqif hi nahin,
Bakht maktab ke register ki tarah hota hai,
Apne number pe jo labaikk nahin keh paatey,
Unka kuch uzzr nahin, koi bhi fariyaad nahin,

Yeh woh taayer hain jinhe apni nawaah yaad nahin,
Linain kat’ti rahin, lafz badalne ke sabbab,
Koi tehreer musalssal nahin hone paayi,
Haasil-e-umar yehi channd adhoorey haakay,
Koi tasveer mukammal nahin hone paayi,
Ab jo dekhen to koi aesi barri baat na thi…

The post Ab jo dekhen to koi aesi barri baat na thi.. appeared first on Ranjish.com.

Read More

Judaayiyan to yeh maana barri qayamat hain..

Judaayiyan to yeh maana barri qayamat hain.
Rafaaqton main dukh kis qadar hain kya kehne..

The post Judaayiyan to yeh maana barri qayamat hain.. appeared first on Ranjish.com.

Read More

Aaney ki itlaah main guzri tamaam raat..

Aaney ki itlaah main guzri tamaam raat,
Aayi jo subah khawhish-e-deedaar bhi gayi..

The post Aaney ki itlaah main guzri tamaam raat.. appeared first on Ranjish.com.

Read More

Jheel achi, kanwal acha ke jaam acha hai..

Jheel achi, kanwal acha ke jaam acha hai,
Teri aankhon ke liye kon sa naam acha hai..

The post Jheel achi, kanwal acha ke jaam acha hai.. appeared first on Ranjish.com.

Read More

Aur kuch nahin rehta, Teri yaad rehti hai…

Zehen ke khayalon main,
Rooh ke ujaalon main,
Zindagi ki jheelon main,
Zaat ki faseelon main,
Rat.jagon ke daaman main,

Dil ke khushk sehraa main,
Chashm-e-tar ke ke daryaa main,
Dard ke jahaan main bhi,
Ashk-e-be.zubaan main bhi,

Aur kuch nahin rehta,
Teri yaad rehti hai..

The post Aur kuch nahin rehta, Teri yaad rehti hai… appeared first on Ranjish.com.

Read More

Aayi hogi kissi ko hijr main maut..

Aayi hogi kissi ko hijr main maut,
Mujh ko tou neend bhi nahi aati..

The post Aayi hogi kissi ko hijr main maut.. appeared first on Ranjish.com.

Read More

Tujh ko paanay ki aarzu karna..

Tujh ko paanay ki aarzu karna,
Aandhiyon main diya jalaana tha..

The post Tujh ko paanay ki aarzu karna.. appeared first on Ranjish.com.

Read More

Jahan sawaal ke badle sawaal hota hai..

Jahan sawaal ke badle sawaal hota hai,
Wahaan mohabton ka zawaal hota hai,

Kissi ko apnaa banana hunnar hi sahi,
Kisi ke ban ke rehna kamaal hota hai..

The post Jahan sawaal ke badle sawaal hota hai.. appeared first on Ranjish.com.

Read More

Aaj bohat saalon baad maine eid manayi hai..

Aaj bohat saalon baad maine eid manayi hai,
us ne khusbhuu ke jhoolon main
phoolon ki khawhishen bhejin,
us ne taaron ki thandi chaaon,
aur khawbon ki titliyaan bhejin,
aik vaada-e-fardaa bheja us ne,
saath nibhaane ka,
chorr na jaane ka,

Mujhe maloom hai woh behlaata hai,
mujh ko sataata hai,
magar us ke sapnon se,
uss ke waadon se,
maine aik duniya sajaayi hai,
Aaj bohat saalon baad maine eid manayi hai..

The post Aaj bohat saalon baad maine eid manayi hai.. appeared first on Ranjish.com.

Read More

Khushi ke geet gaao eid aayi hai..

Khushi ke geet gaao eid aayi hai,
Hanssi labon pe sajaao eid aayi hai,

Parinde bolte hain dil ki baat karte hain,
Tum apna haal sunaao eid aayi hai,

Fizaa main rang hain aur rang dilnasheen,
Nazzar se dil main bassaao eid aayi hai,

Khille hain phool aur mehek rahi hai fizaa,
Dilon ke ranjj mittaao eid aayi hai,

Chalo ke dil ki udaasi ko hatam karte hain,
Khushiyon ko dhoond ke laao eid aayi hai..

The post Khushi ke geet gaao eid aayi hai.. appeared first on Ranjish.com.

Read More

Iss eid pr bhi na mil sake to kya hua dosto..

Iss eid pr bhi na mil sake to kya hua dosto,
Jazzbon main khuluus ho to eiden hazaar hain..

The post Iss eid pr bhi na mil sake to kya hua dosto.. appeared first on Ranjish.com.

Read More

Uss se milna to ussey eid mubarak kehna…

Uss se milna to ussey eid mubarak kehna,
Yeh bhi kehna meri eid mubaarak kar de..

The post Uss se milna to ussey eid mubarak kehna… appeared first on Ranjish.com.

Read More

Aap idar aaye udhar deen aur emaan geya..

Aap idar aaye udhar deen aur emaan geya,
Eid ka chaand nazar aaya to ramzaan geya..

The post Aap idar aaye udhar deen aur emaan geya.. appeared first on Ranjish.com.

Read More

Kaheen koi eid na kar le abhi ramzaan baaqi hai..

Hattaa kar zulf chehre se na chhat pr shaam ko ana,
Kaheen koi eid na kar le abhi ramzaan baaqi hai..

The post Kaheen koi eid na kar le abhi ramzaan baaqi hai.. appeared first on Ranjish.com.

Read More

Ik shart pe kheloon gi piyaa pyaar ki baazi..

Ik shart pe kheloon gi piyaa pyaar ki baazi,
Jeeton to tujhe paaon haaruun to piyaa teri..

The post Ik shart pe kheloon gi piyaa pyaar ki baazi.. appeared first on Ranjish.com.

Read More

Iss eid pe tujh ko main kya bhejoon..

Iss eid pe tujh ko main kya bhejoon,
koi jugnuu,
koi taara,
koi sapnaa bhejoon ?

Koi phool bhejoon ad’khilaa se,
koi umeed,
koi aas,
koi nazaara bhejoon ?

Chaand bhejoon tujhe is eid pr dilbar,
ik khushbuu,
ik rang ka istaara bhejoon ?

Aye mere meherbaan,
roshni ki rang ki muskaan bhejoon ?
ya qauss-o-qazaa ki uthaan bhejoon ?

Apni aankh ka koi moti teri nazar karoon,
Ya hathon se maangi koi dua bhejoon ?

Phoolon se koi titlii ki mohabbat bhejoon,
kisi bhanwre ki lagan,
us ka tarrapna bhejoon ?

Kisi shamma ka jalta hua daaman bhejoon,
Ya baarish ki tarrapti hui boondain bhejoon ?

Mere hathon main ik aas, umeed aur dua hai,
iss eid pe main tujh ko bass itna keh doon,

Ke jis ko tum se mohabbat hai,
Woh sitaara mil jaye,

Aye mere mehboob tujhe iss eid pr,
Tujh ko iss eid pe
Koi tumhara mil jaye..

The post Iss eid pe tujh ko main kya bhejoon.. appeared first on Ranjish.com.

Read More

Woh paagal larrki ab sudharti jaa rahi hai….

Shokhiyaan chorr di us ne abb ke,
Har rang main udaasi ghulti ja rahi hai,

Uss roothne wale se kaho dekh le aa kar,
Woh paagal larrki ab sudharti jaa rahi hai..

The post Woh paagal larrki ab sudharti jaa rahi hai…. appeared first on Ranjish.com.

Read More

Ik aaalam-e-hijraan hi ab hum ko pasand aaya..

Ik aaalam-e-hijraan hi ab hum ko pasand aaya,
Yeh khaana-e-viraaan hi ab hum ko pasand aaya,

Benaaam-o-nishaan rehna ghurbat ke ilaaqe main,
Yeh sheher bhi dilkash tha tab hum ko pasand aaya,

Tha laal hua manzar suuraj ke nikalne se,
Woh waqt tha woh chehra jab hum ko pasand aaya,

Hai qataa-e-talluq se dil khush to bohat apna,
Ik hadh hi banaa lena kab hum ko pasand aaya,

Aana woh Munir uss ka be-khauf-o-khatar hum tak,
Yeh turfaa tamaasha bhi shab hum ko pasand aaya..

The post Ik aaalam-e-hijraan hi ab hum ko pasand aaya.. appeared first on Ranjish.com.

Read More

Jin ki nazron main hum nahin achey..

Jin ki nazron main hum nahin achey,
Kuch to woh log bhi buray hon ge..

The post Jin ki nazron main hum nahin achey.. appeared first on Ranjish.com.

Read More

Roshni meri bohat door tak jaye gi..

Roshni meri bohat door tak jaye gi,
Shart yeh hai ke saleeqe se jalao mujh ko..

The post Roshni meri bohat door tak jaye gi.. appeared first on Ranjish.com.

Read More

Mera dil ik masoom sa bacha..

Mera dil ik masoom sa bacha,
Tujhe sochta hai sharaarat ki tarah..

The post Mera dil ik masoom sa bacha.. appeared first on Ranjish.com.

Read More

Musalssal hon mulaqaaten to dilchasspi nahin rehti..

Musalssal hon mulaqaaten to dilchasspi nahin rehti,
Be-tarteeb yaraaney barre rangeen hote hain..

The post Musalssal hon mulaqaaten to dilchasspi nahin rehti.. appeared first on Ranjish.com.

Read More

Zulf dekhi hai nazron ne ya ghatttaa dekhi hai.

Zulf dekhi hai nazron ne ya ghattaaa dekhi hai,
Arey lutt geya jis ne bhi Mohammad ki adaa dekhi hai,

Apne chehre ko na chupaana aye mere aaqa,
Ke baad muddat ke mareezon ne shifaa dekhi hai..

The post Zulf dekhi hai nazron ne ya ghatttaa dekhi hai. appeared first on Ranjish.com.

Read More

Khuda jane bichar ke mujh se kis ka humsafar ho ga..

Khuda jane bichar ke mujh se kis ka humsafar ho ga,
Hain jis ke waastey muddat se muntazir aankhain..

The post Khuda jane bichar ke mujh se kis ka humsafar ho ga.. appeared first on Ranjish.com.

Read More