Ab ku-e-yaar tere zamaane guzar gaye..

Ab ku-e-yaar tere zamaane guzar gaye,
Jo apne ghar se aaye they woh ghar gaye,

Ab kaun zakham-o-zeher se rakhe ga silsila,
Jeene ki ab havass hai humen hum to mar gaye,

Ab kya kahoon ke saara mohalla hai sharamsaar,
Main hoon azaab main ke mere zakham bhar gaye,

Hum ne bhi zindagi ko tamaasha bana diya,
Uss se guzar gaye kabhi khud se guzar gaye,

Tha ran bhi zindagi ka ajab turfa maajra,
Yaani uthe to paaon magar Jon sar gaye..

The post Ab ku-e-yaar tere zamaane guzar gaye.. appeared first on Ranjish.com.