Aahatt jo sunaayi di hai hijr ki shabb ki hai..

Aahatt jo sunaayi di hai hijr ki shabb ki hai,
Yeh raaye akelii meri nahin hai sab ki hai,

Sunsaan sarrak sanaatte aur lambe saaye,
Yeh saari fazaa ae dil tere matlab ki hai,

Teri deed se aankhen jee bhar ke sairaab huin,
Kis roz hua tha aisa baat yeh kab ki hai,

Tujhe bhool geya kabhi yaad nahin karta tujh ko,
Jo baat bohat pehle karni thi ab ki hai,

Mere suraj aa, mere jism pe apnaa saaya kar,
Barri tez havaa hai sardii aaj ghazzab ki hai..

The post Aahatt jo sunaayi di hai hijr ki shabb ki hai.. appeared first on Ranjish.com.