Aayina ab judaa nahin karta,
Qaid mei hoon rihaa nahin karta,
Mustaqil sabr mei hai koh-e-giraan,
Naqsh-e-ibrat sadaa nahin karta,
Rang-e-mehfil badaltaa rehta hai,
Rang koi wafaa nahin karta,
Aish-e-duniyaa ki justujuu mat kar,
Yeh dafeena mila nahin karta,
Ji main aaye jo kar guzarta hai,
Tuu kisi ka kahaa nahin karta,
Ek waaris hamesha hota hai,
Takht khaali rahaa nahin karta,
Ehd-e-insaaf aa raha hai “munir”,
Zulm daayem hua nahin karta..
The post Aayina ab judaa nahin karta.. appeared first on Ranjish.com.
0 comments:
Post a Comment