Main sach kahun gi magar phir bhi haar jaun gi,
Woh jhoot bole ga aur la’jawab kar de ga..
Saturday, 3 January 2015
Main sach kahun gi magar phir bhi haar jaun gi..
Phool hota to teri dehleez pe sajaa bhi deta..
Phool hota to teri dehleez pe sajaa bhi deta,
Zakham le ker tere dar pe aaon kaise..
Friday, 2 January 2015
Ab to mujh ko bhi nidamat hai wafaa per apni..
Ab to mujh ko bhi nidamat hai wafaa per apni,
Mukhtlif kitna zamaane se mera challan tha..
Thursday, 1 January 2015
Woh khushbuu bheja karti thi main nazmein likhta rehta tha..
Woh khushbuu bheja karti thi main nazmein likhta rehta tha,
Woh hanss ke ujaalata karti thi, Main subhain likhta rehta tha,
Geeli rait pe saahil ki doobte huye sooraj ke hamraah,
Woh chup chaap chalti rehti thi, Main sochain likhta rehta tha,
Deep wafa ke hote they ya shayed do taarey they,
Woh mujh ko dekha karti thi main aankhain likhta rehta tha,
Tapti dhoop ka rang bhi to phoolon sa ho jata tha,
Woh zulfein khola karti thi main shaamain likhta rehta tha,
Toot kar aksar chahat main, Rooth kar yunhi ulfat main,
Woh mujh ko jeeta karti thi main haarain likhta rehta tha,
Dono ki pehli chahat thi, dono toot ke milte they,
Woh waadey likha karti thi main kasmain likhta rehta tha,
Chand din jab aa thehre they us ki aur meri judaayi main,
Main us ke haath pe pehron phir lakeerein likhta rehta tha,
Jaan se peyare se shikwa, kya khud ko ruswaa karna tha,
Main apne honton pe chup ki bas mohrain likhta rehta tha,
Din main dard ki shiddat ko main hanss ke seh jata tha,
Jo uss ke bin katt’ti theen woh raatain likhta rehta tha,
Dasht-e-wafaa main basne ka dekh haasil aye Sehraa Naward,
Main yaadain likhta rehta hoon, main yadain likhta rehta tha..
Us ko sunaya haal-e-dil hum ne magar..
Baar’haa us ko sunaya haal-e-dil hum ne magar,
Jane kyun har bar baat ishq ki chorr di hum ne..
Pukaarte hi rahe dar dar pe bheek yaadon ki..
Pukaarte hi rahe dar dar pe bheek yaadon ki,
Na koi raas aaya aap ke siwaa mujh ko..
