Raat gehri thi ddar bhi sakti they..

Raat gehri thi ddar bhi sakte they,

Hum jo kehte kar bhi sakte they,

Tum jo rooothi to yeh bhi na socha,

Hum to paagal they mar bhi sakte they..

Read More

Ehsaas-e-bartri mein griftaar ho gaye..

Ehsaas-e-bartri mein griftaar ho gaye,

Hum se mile to log bhi funkaar ho gaye..

(Ehsaas-e-bartri;feeling of being superior)

Read More

Itni mazbooti se viraanon ke dar band kiye..

Itni mazbooti se viraanon ke dar band kiye,

Dil mein utri na koi zaat teri zaat ke baad..

Read More

Zabt karna hai to phir hadh se guzarna ho ga..

Zabt karna hai to phir hadh se guzarna ho ga,

Khoon ho jaye yeh dil, aankh na bharne paye..

Read More

Iss sheher main aesi bhi qayamat na hui thi..

Iss sheher main aesi bhi qayamat na hui thi,

Tanha they magar khud se to wehshat na hui thi,

Yeh din hai ke yaron ka bharosa bhi nahi hai,

Woh din they ke dushman se bhi nafrat na hui thi,

Ab saans ka ehsaas bhi ek baar-e-giraan hai,

Khud apne khilaaf aesi baghavat na hui thi,

Ujrre huye iss dil ke har ik zakhm se pucho,

Iss sheher mein kis kis se mohabbat na hui thi,

Ab tere qareeb aa ke bhi kuch soch raha hoon,

Pehle tujhe kho kar bhi nadamat na hui thi,

Khawabon ke hawa raas thi jab tak mujhe Mohsin,

Yoon jaagte rehna meri aadat na hoi hui..

Read More

Khushi ka gham hai na gham ki khushi ab to..

Khushi ka gham hai na gham ki khushi ab to,

Bohat udaas guzarti hai zindagi ab to..

Read More

Bicharr ke us se pareshaan bohat hoon main..

Bicharr ke us se pareshaan bohat hoon main,

Suna hai woh bhi barri uljhanon mein rehta hai..

Read More

Jaate jaate woh kyun kar paltta tha..

Jaate jaate woh kyun kar paltta tha,

Ab sataaye ga yeh sawaal mujhe..

Read More

Tamaam umar ki awaargi pe bhaari hai..

Tamaam umar ki awaargi pe bhaari hai,

Woh aik shab jo teri yaad mein guzari hai..

Read More

Poora chand ankhon mein bharna..

Poora chand ankhon mein bharna,

Tumse dil mein baaten karna,

Ik jesa hai,

Yeh ankhon mein,

Aur tum dil mein,

Jitne paas ho,

Utna sukh ho,

Kitne door ho,

Dukh hi dukh ho..

Read More

Jin ke daaman mein kuch nahin hota..

Jin ke daaman mein kuch nahin hota,

Un ke seeno’n mein pyar dekha hai..

Read More

Hijar ke saahil per kis ke muntazir bethe ho tum..

Hijar ke saahil per kis ke muntazir bethe ho tum,

Is samandar se bhala kab lot’ti hain kashtiyan..

Read More

Sab fasaaney hain duniya daari ke..

Sab fasaaney hain duniya daari ke,

Kis ne kis ka sakoon loota hai,

Sach to yeh hai ke is zamane mein,

Main bhi jhoota hoon tu bhi jhoota hai..

Read More

Is jahan mein mazdoor sa darbadar koi nahin..

Is jahan mein mazdoor sa darbadar koi nahin,

Jis ne banaye sab ke ghar us ka ghar koi nahin..

Read More

Rahi na taaqat-e-guftaar aur agar ho bhi..

Rahi na taaqat-e-guftaar aur agar ho bhi,

To kis umeed pe kahiye ke arzuu kya hai..

Read More

Mohabbat ko laazim hai awaargi bhi..

Mohabbat ko laazim hai awaargi bhi,

Nahin ishq karta assar bethe bethe..

Read More

Waqt ka pata chalta nahin apnon ke sath..

Waqt ka pata chalta nahin apnon ke sath,

Apnon ka pata chal jata hai waqt ke sath..

Read More

Kisi se koi khafaa bhi nahin raha ab to..

Kisi se koi khafaa bhi nahin raha ab to,

Gilaa karo ke gilaa bhi nahin raha ab to,

Chunnay huye hain labon per tere hazar jawab,

Shikaayeton ka maza bhi nahin raha ab to,

Yakeen kar ke jo teri aarzu mein tha pehle,

Woh lutf tere siwaa bhi nahin raha ab to,

Woh sukh ke khuda ki hain bakhshishen kya kya,

Yahan yeh likh ke khudaa bhi nahin raha ab to..

Read More

Hamara tazkraa choro hum aese log hain..

Hamara tazkraa choro hum aese log hain jinhe,

Nafrat kuch nahi kehti mohabbat maar deti hai..

Read More

Apne saaye se chonk jatey hain..

Apne saaye se chonk jatey hain,

Umer guzri hai is qadar tanha..

Read More

Sholaa hoon bharrakne ki guzarish nahin karta..

Sholaa hoon bharrakne ki guzarish nahin karta,

Haq muu se nikal jata hai koshish nahin karta..

Read More

Teri kahani saari duniya..

Teri kahani saari duniya,

Mera hulaasa* bass ek tu..



(hulaasa;summary)

Read More

Abhi to hum raakh huye hain firaaq mein..

Abhi to hum raakh huye hain firaaq mein,

Abhi to bikharne ka khail baaki hai..

Read More

Hijar ne aaj mere kaan me sargoshi ki hai..

Hijar ne aaj mere kaan me sargoshi ki hai,

Jeeney na tujhe chain se marne doon ga..

Read More

Tu humsafar ho, aur kaheen ka safar na ho..

Tujh se mila nahin hoon magar chahta hon main,

Tu humsafar ho, aur kaheen ka safar na ho..

Read More

Apne hilaaf sheher ke andhey hujoom mein..

Apne hilaaf sheher ke andhey hujoom mein,

Dil ko bohat malaal tujhe dekh kar hua..

Read More

Mujh ko zaroorat hai teri..

Mujh ko zaroorat hai teri,

Sakht garmi mein barish ki tarah..

Read More

Awaaz bhi do to nahin laut ke aaney waley..

Awaaz bhi do to nahin laut ke aaney waley,

Tootne waley qayamat ki ana’aa rakhte hain..

Read More

Saamne manzil, awaaz unki, kidar jaata..

Saamne manzil, awaaz unki, kidar jaata,

Rukta to safar jata, chalta to bicharr jata,

Manzil ki bhi hasrat thi aur us se mohabbat bhi,

Aye dil yeh bata mujhko, us waqt kidar jata,

Muddat ka saffar bhi tha aur barson ki shanasaayi,

Rukta to bikhar jata, jeene se mukar jata,

Lagi pyas ghazab ki thi, paani mein bhi zeher tha,

Peeta to main mar jata, na peeta to bhi mar jata..

Read More

Khareed loon ga teri saari udaasiyan..

Khareed loon ga teri saari udaasiyan,

Sikkay mere mizzaj ke jis din chal gaye..

Read More

Halaat pareshan to guzar jaayen ge ik roz..

Halaat pareshan to guzar jaayen ge ik roz,

Ehbaab ke honton ki hansi yaad rahe gi..

Read More

Sirf eik tarq-e-etaluq ke liye..

Sirf eik tarq-e-etaluq ke liye,

Tu ne dhoonde hain bahane kya kya..

Read More

Aap apna ghubaar they hum to..

Aap apna ghubaar they hum to,

Yaad they yaadgar they hum to,

Hum ko yaaron ne bhi yaad na rakha,

Jon yaaron ke yaar they hum to..

Read More

Woh aayen to hairaan woh jayen to pareshan..

Woh aayen to hairaan woh jayen to pareshan,

Ya rab, koi samjhaye yeh kya ho geya dil ko..

Read More

Yoon jo takta hai asmaan ko tu..

Yoon jo takta hai asmaan ko tu,

Koi rehta hai aasman main kya,

Yeh mujhe chain kyun nahin parrta,

Aik hi shakhss tha jahan main kya..

Read More

Lehje se utth rahi thi dastaan-e-dard..

Lehje se utth rahi thi dastaan-e-dard,

Chehra bata raha tha ke sab kuch ganwaa diya..

Read More

Rog aese bhi gham-e-yaar se lag jaate hain..

Rog aese bhi gham-e-yaar se lag jaate hain,

Dar se uthte hain to deewar se lag jaate hain..

Read More

Bass yehi soch ke khawhish hi mittaa di apni..

Bass yehi soch ke khawhish hi mittaa di apni,

Mujhe me koi aur hai jo karta hai marzi apni..

Read More

Bahar se mere jism ki dewaar kharri hai

Bahar se mere jism ki dewaar kharri hai,

Andar se magar toottay huye ghar ki tarah hun..

Read More

Mein qaabil-e-nafrat hoon to chorr ja mujh ko..

Mein qaabil-e-nafrat hoon to chorr ja mujh ko,

Tu mujhe se yun dikhawey ki mohabbat na kar..

Read More

Woh tujh ko bhoole hain to tujh pe bhi laazim hai..

Woh tujh ko bhoole hain to tujh pe bhi laazim hai Meer,

Khaak daal, aag lagaa, naam na le, yaad na kar..

Read More

Pehle khushbuu ke mizajon ko samajh lo..

Pehle khushbuu ke mizajon ko samajh lo mohsin,

Phir gulistaan mein kisi gul se mohabbat karna..

Read More

Meine dekha tha un dinon mein usey..

Meine dekha tha un dinon mein usey,

Jab woh khilte gulaab jesa tha,

Us ki palkon se neend chalti thi,

Us ka lehja sharaab jesa tha,

Us ki zulfon se bheegti thi ghataa,

Us ka rukh mahtaab jesa tha,

Log parhte they haal-o-khad us ke,

Woh adab ki kitaab jesa tha,

Bolta tha zubaan khushbuu ki,

Log sunte they dharkinon mein usey,

Mene dekha tha un dinon mein usey,

Sari aankhen thi ayiney us ke,

Sarey chehron mein intikhaab tha woh,

Sab se ghul mil kar ajnabi rehna,

Aik darya numaa saraab tha woh,

Khawb yeh hai ke woh haqeeqat tha,

Yeh haqeeqat hai khawb tha woh,

Dil ki dharti pe asmaan ki tarah,

Suurat-e-saya-e-sahaab tha woh,

Apni neendein bhi us ki nazar hui’n,

Mene paaya tha rat jaggon mein usey,

Mene dekha tha un dinon mein usey,

Jab woh hans hans ke baat karta tha,

Dil ke haimey mein raat karta tha,

Rang parrhte they anchlon mein usey,

Mene dekha tha un dinon mein usey,

Yeh magar dair ki kahani hai,

Yeh magar door ka fasaana hai,

Us ke mere milaap mein haayel,

Ab to sadiyon bhara zamana hai,

Ab to hai haal apna bhi,

Dasht-e-hijraan ki shaam jjesa hai,

Kya khabar woh in dinon kesa hoga,

Mene dekha tha un dinon mein usey..

Read More

Haq se di to teri nafrat bhi sar ankhon per..

Haq se di to teri nafrat bhi sar ankhon per,

Hairaat mein to teri mohabbat bhi manzoor nahi..

Read More

Maine us ko itna dekha..

Maine us ko

itna dekha,

Jitna dekha

Ja sakta tha,

Lekin phir bhi

Do ankhon se,

Kitna dekha

Ja sakta tha ?

Read More

Ache hote hain burey log..

Ache hote hain burey log,

Ache hone ka dikhawa nahi karte..

Read More

Ab sahaaron ki baat mat karna..

Ab sahaaron ki baat mat karna,

Ab dilaason se bhar geya hai dil..

Read More

Tumhe kis baat ka gham hai..

Agar woh pooch lein hum se, tumhe kis baat ka gham hai,

To phir kis baat ka gham hai, agar woh pooch lein hum se..

Read More

Sirf hum hain un ke dil mein..

Sirf hum hain un ke dil mein,

Le doobi yeh ghalat fehmi hum ko..

Read More