Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.
Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.
Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.
Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.
Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.
Vey tu nahin aya,
Teri yaad aa ke,
Tera waada yaar wafaa kar gayi,
Saanu taang* rahi pal pal teri,
Bechaini, mera amman, sakooon,
Tabaah kar gayi,
Buuha hillya kayi waari,
Main samjheya assar dua kar gayi,
Jadu kholeya,
Wekheya kujh vi neyi,
Sadhay naal mazaq hawaa kar gayi..
(taang;wait)
Moqa jisay mila woh peeta chala geya,
Shayed bohat mithaass hamare hahuu me thi..
Mujhe shauq tha ke miloon tujhe,
Mujhe khauf bhi tha kahoonga kya,
Tere saamne se nikal geya,
Bara sehma sehma daraa daraa..
Meri kismat mein gham gar itna tha,
Dil bhi yaa rab kayi diye hotay..
Mujhey chor de mere haal per tera kia bharosa hai chara-gar,
Ye teri nawazish e mukhtasar mera dard aur barha na de…
Deyaar-e-ghair mein rehte huye roya nahin jata,
Kisi ki yaad ka paani bhi khoya nahin jata,
Main raaton ko sarrak pe iss liye bhi aa nikalta hoon,
Mere kamray mein itna habbass* hai, soya nahin jata..
(habbass; wam,humid)
Khud se roothoon to kayi roz na khud se boloon,
Phir kisi dard ki deewaar se lag kar ro loon..
Bohat andar tak tabaahi machaata hai,
Woh aansuu jo behne se ddar jaye..
Usey kehna,
Keh thakk sa geya hoon,
Mein khud ko saabit karte karte,
Agarchey, mere tareekay galat honge,
Iraadey magar sachh pe mabni hain,
Tum agar chaaho,
To mere jazbon ka imtehaan lo,
Mere haq me faisla dene ko,
Suno ab to to tthaan lo,
Usey kehna,
Ke thakk sa geya hoon..
Woh jazbon ki tijarat thi, yeh dil kuch aur samjha tha,
Usey hasne ki adat thi, yeh dil kuch aur samjha tha,
Mujhe woh dekh kar aksar, nigaahein phair leta tha,
Woh dar-e-pardaa haqaarat* thi, yeh dil kuch aur samjha tha..
(haqaarat;scorn, hate)
Tu ne nafrat se jo dekha hai to to yaad aya,
Kitne rishte teri khaatir yunhi torr aya hoon,
Kitne dhundhley hain yeh chehre jinhe apnaaya hai,
Kitni ujli theen woh ankhen jinhe chorr aya hoon..
Yaqeen us ko nahi aata wazahat main naì karta,
Guzar jaye gi sari umer shayed imtehano mein…
Tu tou razzaq* hai tujh se kya pardaa,
Kal se bachon ne kuch nahin khaya..
(razzaq;one who feeds)
Bikhri parri hai sheher mein khushbuu gali gali,
Guzra hai jese koi idhar se abhi abhi..
Usey kaho ke hum us ke baghair jee lein ge,
Yeh gham agarchey zyada hai aadmi ke liye..
Ik ghazal Meer ki parhta hai parrosi mera,
Ik nami si meri deewar mein aa jati hai..
Pyaas kehti hai ke ab rait nichorri jaye,
Apne hisse me samandar nahi aney wala..
Iss daur ka ek barra fasaadi hoon main,
Jo sach lage bas wohi keh deta hoon main..
Kabhi le mujhse tu mere shab-o-roz ka hisaab,
Phir dhoond un me se apne siwaa kuch aur..
Dekhe hain hum ne hungaame mohabbat ke,
Aghaaz bhi ruswayi, anjaam bhi ruswaayi..
Kya us se chupaaon nahi ghair bhi itna,
Kya us ko bataaon mera apna to nahi hai..
Maut ne chupke se najaney kya kaha,
Aur zindagi khamosh ho ker reh gayi..
Yoon tassawur mein barasti hain purani yadein,
Jese barsaat mein rim jhimm ka samaan hota hai..
Ab dekhiye to kis ki jaaan jati hai,
Us ne meri mene us ki qasam khayi hai..
Bohat naaz tha mujhe chaahne walon per magar,
Main azeez tha sab ko magar zaroorat ke liye..
Main nahin maanta kaghaz pe likha shajra-e-nassb*,
Baat karne se qabeelay ka pata chalta hai..
(shajra-e-nassb;family tree)
Suna hai ghuse mein woh sab torr deta hai,
Mera dil hai uske pass khuda khair kare..
Tere gharoor ke mayyaar se buland hoon mein,
Teri pasand ka kya zikar, khud’pasand hoon mein..
Ik yaad hai teri jo sambhaali nahi jaati,
Ik qarzz liya jo adaa ho nahi saktaa..
Apna ghar chorr ke hum log wahan tak pohanche,
Subah-e-fardaa ki kiran bhi na jahan tak pohanche..
Pagalpan ki sari lakeerein mere hath me kyun,
Jis ko chahoon me hi chahoon, mei hi chahon kyun..
Gila banta hi nahi un se berukhi ka,
Dil hi to tha, bhar geyaa ho ga..
De ga agar dard to khud bhi doobay ga,
Woh ek shakss jo ankhon me rehta hai..
Tu mohabbat se koi chaal to chal,
Haar jaaney ka hausla hai mujh ko..
Suna hai log jahan khoyen wahin milte hain,
Mein tujhe khud me talaash karta hoon..
Ungliyan meri wafaa per to na uthaao logo,
Jisey ho shaq woh mujhse nibhaah ke dekhe..
Ghar bana kar woh mere dil main chorr geya hai,
Na khud rehta hai na kisi aur ko basne deta hai..
Kya bohat zaroori hai?
Khawb posh ankhon mein,
Aanusyon ka bhar jana?
Hasrton se saahil par,
Titliyon ka mar jana?
Habss ki hawaaon mein,
Khushbuyon ka dar jana?
Dil ke garam sehraa main,
Hashar hi barpaa hona?
Dard la’dawaa hona ?
Kya bohat zaroori hai?
Maloom hota hai bhool gaye ho shayed,
Sabar to kisi me is qadar nahin hota..
Koi majburiyan hon gi jo wafa kar na paya,
mere mehboob ko na shamil karo be-wafao’n me..
Aik muddat ke baad hum ne yeh jaana aye Khuda,
Ishq teri zaat se sacha hai, baki sab afsaney..
Maan liya sach kehti ho,
Mujh se mohabbat karti ho,
Meray khawbon ki duniya mein rehti ho,
Meri yaad ke aalam,
Door hila’aa mein,
Aksar takti rehti ho,
Din sochon mein katt jata hai,
Raat ko neend nahi aati,
Ek ek taara ginti ho,
Ye bhi sach hai,
Apney hussn ki barish se,
Meri zeest ka sehraa,
Jal-thal ker do ge,
Jeevan bhar sukh baanto ge,
Lekin…
Aye masoom larrki !!
Main bebass hoon,
Chahoon bhi to,
Sath tumhara de nahi sakta,
Mere dukh ki duniya tanhaa,
Mere sukh ki bat alag hai..
Kis umeed pe, kis bharosey per,
Mera daaman thaamo gi,
Mere haath ki tooti-phooti,
Tirchi lakirein ghaur se dekho,
In mein tumhara naam nahi hai..
